كفايه كفايه يازمانى عرفت انه مش أوانى
\\\\\\\\
ليه الايام مش بتاعتنا
ليه الاحلام مش سكتنا
والحظ ماقرب على بيتنا
والفرح خلاص
\\\\\\\\\\\\\
ايام الفرح مخصمانا
واهات الجرح ملازمانا
وقمرنا بيبكى فى سمانا
على حالنا ياناس
\\\\\\\\\\\\\\\
على قدى الحلم انا حلمته
وطموحى فى حبى ماكملته
والقلب لحزنى انا سلمته
وضاع الاحساس
\\\\\\\\\\\\\\\
ليه ياحظ مخاصم ايامى
معاندنى حتى فى احلامى
مابقتش انا شايف قدامى
غير قسوه فى كاس
\\\\\\\\\\\\\\\\\\
يازمانى ضيعت شبابى
وكتبت بقلمك فى كتابى
وحكمت افارق احبابى
واعيش العمر وحيد وخلاص
مافيش اخلاص
مات الاحساس \\\\\\\\\\\\\\\ محمود الشيخ.
ليست هناك تعليقات:
إرسال تعليق