.........ياأول حب ف عمرنا
تعدي قلوبنا عاللي فات
وتصحي جوانا الذكريات
ف قلب المكان كنا زمان
نظرة وكلمة شوق وآهات
وقالت عينيا انتي حبيبتي
وانتي بعينيكي عليا جاوبتي
قربت منك لقيتك ابتسمتي
خدنا الكلام وخدتنا الساعات
وعد وكان وعد الحب لينا
وعشنا الهوي بكل ما فينا
وكاس الهوي نسمة ليالينا
عالحب نصحي وعالشوق نبات
ايدي ف ايديكي وننسي الناس
قلبي ليكي وشهد حبك كاس
لا بيننا خوف بيننا الإحساس
قلبين عايشين أحلي الحكايات
وضحكة منك ومني ابتسامة
ودمعة تقوللي إرجع بالسلامة
وفرحة ف لقانا ما تعرف ملامة
وعهد بيننا حبنا يفضل للممات
ف لمسة ايديكي كانت دنيتي
ولحضنك انتي كانت سكتي
ومعاكي زارت شفايفي بسمتي
وويا ابتسامتك تحلي الساعات
ياحب كان حلم عايشه عمرنا
يزور قلوبنا وبين إيديه يضمنا
ويعيد اللي كان ويرجعنا هنا
ويهل بشوقه ف لحظة سكات
ياأول حكاية حب شافتها العين
مهما يعدي العمر ليها مشتاقين
بكلمة بغنوة بضحكة ألم فيها الحنين
وتصحي ف قلوبنا أحلي الذكريات
.... أيمن بلال ...
ليست هناك تعليقات:
إرسال تعليق