-- قالو الامل -----كلمات الشاعر احمد جابر سويلم
قالوا الامل ابوابه مفتوحة
فيه اللى اشترى ضحكته
وفيه اللى ضحكتة مجروحة
فيه ناس فقيرة عدم
وناس من العدم مدبوحة
قالول الامل ابوابة مفتوحة
فيه ناس تحب الخير لبعضيها
وناس اقل شيء يراضيها
وناس اكل الحرام مابكفيها
وناس لفعل الخير تلاقيها
قالو الامل ابوابه مفتوحة
ياما قلوب من البشر عايشين
القلب صافى ولبعضهم راضين
وقلوب بالكره لبعضهم واقفين
زرعو العداوة وبحقدهم شايلين
قالو الامل ابوابه مفتوحة
هزرع فى قلبى حب الناس
هزرع كمان جواه احساس
همسح دموع اللى يجينى
واطفى نار اللى ظلمنى
قالو الامل ابوابه مفتوحة
يادنيا روحى بقى روحى
سبينى اضمم فى جروحى
هبنى الامل وهعيش جواه
وبحلمى راح ابنى طموحى
هرمى همومى واحزانى
بالفرح هرسم احلامى
ليست هناك تعليقات:
إرسال تعليق