‘‘‘‘‘‘‘زارع الورد‘‘‘‘‘‘‘‘‘
ياورد ليه ماشي ومهاجر
وأنا الزارع وأنا البستاني
أتعب شهور عشان تفتح
وألقاك ف لحظة بتنساني
يقرب منك حبيب عاشق
ويهديك بقلبه لحبيب تاني
وتفرح وانت ماشي وفايتني
وسط أرض طرحتك وحداني
وأرجع وأجيب بذرة وأزرعها
تفتح وتفوتني لغيري ف ثواني
بأزرع الحب عشان غيري
ودنيا الحب مش عارفاني
أنا المجهول علي مر السنين
مع ان الحب صنعتي وعنواني
بس ده طبع الحياه النسيان
أديها الامل وبالامل تنساني
صباح الخير علي كل عاشق
عدي عليا وفارقني من تاني
وأنا في الهوي فارس وخيال
ف الخيال وحقيقتي نسياني
بين الورود كتبت حكايتي
أنا للحب فارس وبستاني
أيمن بلال‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
ليست هناك تعليقات:
إرسال تعليق