جيتيني خويا
جيتيني خويا
ولد مي وبويا
اشنو غيرك علي؟
مابقيت نشوف فيك
ولا انت تشوف في
الخاوة راه حدها الدنيا
واش عند راسك درتي
مزية
جيتيني خويا
الخاوة حدها الدنيا
ما تتباع و لا تشرى بمال
انا شريتك بالنهار وانت بعتيني
في الليل
ما بقيتي تسول في ولا انا
فيك نسال
ولا عليك نسال
اش غيرنا؟
ماشي هكدا كان الحال
خاوتنا غادة وتذبال
وشكون غيرنا وفرتك لمتنا
انا ما بقيت معاك مرتاح
وانت مني باغي غير تتفك
وتتهنى
ياك شحال تشركنا من فطور وغذاء
ورضعنا من بزولة وحدة
ما كنت نبغي اللي يظلمك
وعليك يتعدى
كبرتي وجبرتي وصحاح عود
صرتي في تتحدى
الاجيت نعاود ما نعرف منين
نبدى
جيتيني خويا
علاش عطيتي ودنك لغيرك
ما عمرني نسيت الخاوة
علاش ندخلو بيناتنا الغريب
صار بيناتنا العيب
نحلو امورنا بالهداوة
والقضية بيناتنا تتساوى
جيتيني خويا
وخا خاوتنا مشات
ومحبتنا ما بقات
ولوقات ما بقات كيف كانت
دازت شلة سنين وعوام
وشحال رسمنا من حلام
اه ما دارو فينا دوك الظلام
وفين ديك ليام
مابقات خوة وقطعنا لرحام
مارمينا على بعضياتنا السلام
وما تشركنا كلام
ما بيناتنا ملح ولا طعام
فينك اخويا؟
وفين ديك ليام؟
ايام كنتي حاسبني خوك
وماشي عدوك
كلمات... خالد فولان.
ليست هناك تعليقات:
إرسال تعليق