............بصراحة..................
لا يوم عشقتك أنا ولا كنت يوم مجنون
ولايوم هويتك وعشت ف هواكي ظنون
ولا كنت يوم ليكي عاشق ضيا عينيكي
وعدي مش ليكي ولا بيكي قلت هكون
..........
لا عاهدت قلبك عهد ولا كان بيننا وعد
ولا للقاكي انتظرت وخدت الثواني عد
ولا خدني في يوم ليلك أسهر وأناديلك
تحت ضي قناديلك ولا بيكي قلت هكون
..........
غنوتي مش عندك ولا قلبي يوم حبك
ولا قلت أنا منك أترجي في يوم وصلك
وأجري علي قربك وأرمي السنين عندك
وأفرح وأنا جنبك ولا بيكي قلت هكون
.......
عشقي ده كان للغير ساكن هنا جنبك
وهوايا ده كان طير بغلطة راح عندك
مرسالي مش ليكي ولا نظرتي لعينيكي
ولا كنت يوم ليكي ولا بيكي قلت هكون
.......
سامحيني عالصراحة واسمعيني بالراحة
الحب شئ من الراحة قلوب للقا مرتاحة
لا حسيت معاكي بالصفا ولا حتي بالدفا
شئ بيننا أكيد اختفي وصعب ليكي أكون
... أيمن بلال ....
ليست هناك تعليقات:
إرسال تعليق