البيت القديم/ صموئيل فايق
في البيت القديم
غرفه مليانه كراكيب
جت علي بالي
بعد ما عدي عمر طويل
روحت وفتحت الباب
والعنكبوت عامل عشوش
والتراب فيها طبقات
بصيت حوليا وقلت انضف
ولأ أقلب في الذكريات
وحاجات ليه زمن فات
من أيام الطفوله لحد الشباب
إللي كانت بتعملها أمي لعبات
علشان العب بيها
وكمان حاجات ألإخوات
سكت لوقت بسيط
وأخت نفس عميق وقلت
التراب مغطي الحيطان والحاجات
ولكن السنين والأيام
أقسي من الفراق في الذكريات
لانهم بيدوسو علي الماضي
حتي صلت الرحم كان ومات
بنقول عليها كلام فاضي
وإكتشفت إني وحدي
وقررت أزور كل قرايبي
وارجع انضف الغرفه علشان
ده المكان إللي إتولد فيه
أجمل مكان في الكون
إللي عشت فيه طفولتك
تفضل طول عمرك
شايله جواك حنين
لإنه بيذكرك
بأغلي الغاليين
وأجمل أيام حياتي
أكيد في البيت القديم
ليست هناك تعليقات:
إرسال تعليق