جوه الدايره صبح مسجون .ودى أقدار
غصبين عنه إياك تنطق...... أو تخــتار
مفـروضة عليك الأيام ......جمـر ونــار
ميــت قلبـــه ... مـ الأحــزان و الأفكـار
وهيهرب من روحه لفين.. وسط حصار
قلمة متقيد بالآه حتى الضحكه فيها مرار
صدر الحكم عليه مـ الدنيا... بدون إنــذار
شايل همه فى قلبه وساكت.... بلا أعـــذار
قالوا نقيم عليه الحد وكأنه ياناس مـ الكفار
طيب قولوا يعاتب مين ,وقلبه بيتعذب مـ النار
..................
حلم حياته بيضيع منه ..وواقف ساكت ذى جبان
ميت فَرسة وسيفه مكسور بعد ماكان أشجع شجعان
لفت بيه الدنيا عليه ..وخرس صوته...... من التوهان
وهى القصه والحدوته وكان ياما كان
إختر روحك ..وموت غيرك ..من الأحزان
جوه الدايرة إتفرض الحكم ولروحك إنت الخسران
هنا فيه سندك أقرب ناسك ..ولا تقدر تعلن عصيان
وهى حياتك خدها معاك .... ..لتعيش ميت بلا عنوان
يا اللى سمعتوا روايتى إدعولى .كل حياتى بقت دخان
ولا فيه صبح بيرسم بسمه ولا لاقى فى البحر مكان
أنا روحى بتطلع وبطيئه ..وأنا مستسلم ليك يا زمان
و جوه الدايره صبح مسجون .ودى أقدار
غصبين عنه إياك تنطق...... أو تخــتار
مفـروضة عليك الأيام ......جمـر ونــار
محمـــــــد طلعــــــــــــــــت
ليست هناك تعليقات:
إرسال تعليق