آآآآآآآه يانبض حزين
يانبض ساكن جوايه
بتبكي لمين
دلني أيه سبب شكواك
بتبكي يانبض على حالي
ولا على أحوال المسلمين
رايتهم عاليه فى سمايا
لكن عند عتاب يدوب سطرين
أهل غزة بيموتوا يامصريين
وكنتم فين ياغزة
وانتم بتخرجوا المساجين
دخلتوا بكل قوتكم ملثمين
وياما سمعنا ضجيجكم
عالقدس رايحين
شهداء بالملايين
انتم فين
وسايبين أطفال ونساء
يقتلوهم المجرمين
خرجوا شريط ذكرياتكم
وانتم بتهددوا المصرين
وياما عليت أصواتكم
ومعابركم واسلحتكم
كان لها فى الأجواء رنين
أرض سيناء سامع صراخها
ونار الدم مازلت آيدة
بتبكي على شهداءانا الصائمين
لاعتاب ولا لوم
لكن مش ناسي
ولا قادر انسى
صوت الطفل اليتيم
وبكاء الأرامل
انتم زرعتم فى قلوبنا
غل السنين
لكن حزين على الأقصى
وقدس بتبكي وتنادي
على كل رجال العالم
وخصوصا العرب المسلمين
مش لاقية غير العزل
وصدورهم عريانين
وناس مازالت فى قصورها
بتحصي عدد الشهداء
من اعلام كذابين
لا سمعنا شجب ولا استنكار
يمكن يكونوا لذكرياتنا فاكرين
وحتى لو فاكرين
لازم صرخة على اولادنا
ومشايخنا وامهاتنا
وباحة الأقصى العظيم
الباب أمامكم مفتوح
ياللي صدعتوا دماغنا
عالقدس رايحين
شهداء بالملايين
صرحلي نبضي بعلته
انا ببكي على حال المسلمين
ومستغرب ليه ساكتين
والموت بيحصد فى أهلنا
أهل العزة والكرامة
ياكل أهل فلسطين
(((أسامه جديانه)))
ليست هناك تعليقات:
إرسال تعليق