( القلب مني اتـوجع )
القلب مني اتـوجع لاسامعلو صوت ولا دق
وصفولي خبير لصيانتو ف حاره جوه زقاق
كشف وقال يا لطيف دي حفره وعليها مدق
قلبك يدوب للنوم ولا عمره كان لسباق
وكْلاه البرومه وصدَّي وشريان الاورطي طق
مرضان اكيد م الجوع محتاج حمام ورقاق
عايزلوا خمسه يشدوا وتلاته ينزلوا زق
شوفلك بَدِيل للقلب بينك وبينه فراق
نزلت سوق القلوب لقيت كتير م الخلق
ناس تبيع ف الكلي وناس بترهن ساق
وقلوب بتشهد زور ولا قلب يشهد حق
لقيت قِليب مستعمل جمرك بدون اوراق
قايضته بجوز العيون ودفنت راسي ف شق
شعر المستشار / عبد الرسول كريم ٢٠٢٠
ليست هناك تعليقات:
إرسال تعليق