عبدالمنعم عدلى..مصر
ياإبن بلدى
إسمع كلامى
كلامى حجاب
على طول الزمان
أوعى تسمع
كلام الجعان
وإسمع كلام
إبن الأصول
اللى على
طبلية أبوه
تتوه العقول
ياإبن بلدى
إسمع كلامى
وأنا بقول
إوعاك من الكبر
وتعال جنبى وعلى
الربابه غنى معايا
وكلامى ليه أصول
إبن الأصول
لو ملت عليه
مايأخذ منك شئ
ويعطيك كل شئ
ياإبن بلدى
إسمع كلام مرسوم
على السطور
وهات الزمن
وهو يقول
أوعى تسمع
كلام معسول
شمس النهار
بتسيح العقول
وخذ من كلامى
حكم وعبر
وأنا بتكلم وأقول
خليك مع الشبعان
وماتعمل للجعان
حساب وأصول
أصله جاع
فى بطن أمه
وشبع عندما
شاف لون الفلوس
ياإبن بلدى
إسمع كلام
مر الدهر عليه
ومشى على الصراط
وكان عارف
إن الخير له جزور
وخليك فاكر كمان
إن الجعان
ملهوش يمين ولاحلفان
وخليك وراء
كلمة عهد
كان عنها مسؤول
د العهد وعد
حتى ولو مرت
عليه العصور
بقلمى عبدالمنعم عدلى
ليست هناك تعليقات:
إرسال تعليق