الموجه والضفه
&&&&&&&&&
ما بين لموجه والضفه يصبح مشوار الريد الفه اغوص اعماق بحار حبك القي لالماس مكسيه حنان اجمل صدفه
ما بين الموجه والضفه يا زول الفه مسكون عفه
جاياك اشواق من زول مشتاق لي زول مشتاق طول سنوات وراجع هسه
اكتب اشعار واعزف اوتار لي حب جبار واجمل همسه
سلام يا ريد يا اجمل عيد واغلي عيون حسان الغيد في كل جلسه
جمال ودار سيف بتار يقطع مشوار الريد اميال يصل الضفه
ما بين الموجه والضفه اجمل الفه
ما بين حبك وريدك وعبثك وقلبك اروع حصه
مهما جارت كل الايام ووقفت عزت كل الاحلام ما اظن انسي
ايام من ريدمحفوره شديدفى قلب عنيد كان حبك اكيد اجمل صدفه
كتبته اقدار رغم الالام وقصر المشوار لي زول تحفه
ما بين الموجه والضفه
شايل اشواق شوقا حراق وجايبك مشتاق في اجمل زفه
يا اجمل حب صان عهده معاك يا زول الفه
كل الأحلام و الامال ما بين الموجه والضفه
لملمت فصول الحب والريد قديم وجديد ورسمتها ليك اجمل لوحه
عشمان ايام عمري الفاتت والجاي تكون اجمل فرحه
والموجه تشيل تلفح أمواج ودك لفحه لفحه
وكل موجه تكون اجمل اشواق قلبا رفه و رفه
وزادت دقاته وخفقاته ما بين الموجه والضفه
حياة الملك سعيد
&&&&&&&&&&
حياة الملك سعيد
@@@@@@@@
ليست هناك تعليقات:
إرسال تعليق