((( اصعب ظروف)))
قولي أيه أصعب ظروف
لما تقضي الليل ف خوف
وانت مش قادر تنام
وانت محتاج للسلام
قولي ايه أصعب ظروف
لما اغلي الناس تخونك
لما كل الناس تلومك
وانت ساكن جوه خوفك
وانت تتخفي ف سكوتك
وانت خايف يعلي صوتك
لا الديابه تقوم تصيدك
بعد ما تكسر ضلوعك
قولي ايه اصعب ظروف
وانت نايم ف العراء
مستغطي بالسماء
وانت سامع العواء
والنباح وسط الخلاء
وانت حابس صوت دموعك
وانت سامع صوت ضلوعك
وانت ب طقطق ف خوفك
قولي ايه أصعب ظروف
وانا باتمني رجوعك
والأمل أصبح سخيف
والليل ده شئ مخيف
وانا قاعد فاض جوف
حلمي كان لقمة رغيف
قولي ايه أصعب ظروف
وأما اعيش بعدك ف ويل
وانت هاجرني ف ليل
بيحاصرني صوت عويل
قولي ايه اصعب ظروف
لما ابات اسهر افكر
لما حيرتي تبقي اكبر
والنهار يبقي مرار
وانت واخد مية قرار
وانت ناوي ع الفرار
وانت فايت قلبي نار
قولي ايه اصعب قرار
لما اكمل بعد منك
وانت بتبعدني عنك
بعد ما ضحيت عشانك
بعد ما عليت حيطانك
بعدها تهجر مكانك
هيا دي اصعب ظروف
كلمات الشاعر/السيد علي القن
ليست هناك تعليقات:
إرسال تعليق