بقلم يوسف ونيس مجلع --- ايطاليا بريشيا
اصدقائى الاحباء فى سلسلة الكلمات الخفيفة من الشعر الغنائى كلمة بالعامية بعنوان – عارفينك واد مدقدق – وهى تصف عشق بنت البلد بعفويته و جماله و صفائه
عارفينك واد مدقدق ------------ وهاتتعب قلبنا
تاكل الجو المحدق -------------- وتحلى بعقلنا
هواك فى القلب دقدق -------- ماهوغصب عننا
دا الى حد الفجر ماشقشق ------- وطيفك عندنا
و قلبى ياعينى ماصدق --------- يبوح له بسرنا
---------------------------------------------------
حكاله على اللى بيا -------- سرحانى وانشغالى
اشوفك وانا معدية -------- تروح الدنيا من بالى
احس عينك عليا -------- اه يانى اللى بيجرا لى
بتميل الارض بيا --------- واتشنكل فى خيالى
---------------------------------------------------
لو ابتسمت ليا -------------- يتعجب منى حالى
الفرح يملا عنيا --------- وقلبى يرقص طوالى
تحلو الدنيا دية ------------- حتى الشقاء يهنالى
انسى الناس حواليا --------- و افكر فيك ياغالى
--------------------------------------------------
عقلى يقول لى مدى ------ وقلبى نواحيك يندهلى
الاقينى مش بيدى ---------- باتمخطرعلى مهلى
فكرى ياخذ ويدى ---------- من عينك اه يالهوى
و اهين يانى ياوعدى ------- من حبك ومن اهلى
-------------------------------------------------
صحي العصفور و زقزق ----- ولا غمض جفننا
كله فى هواك يتصدق --------- لو قالوا ساحرلنا
ولو قالوا العقل طقطق ---- اهو ده اللى فاضل لنا
عرفنا انك مدقدق -------------- ليه تتعب قلبنا
بقلمى يوسف ونيس مجلع --- مصر
ليست هناك تعليقات:
إرسال تعليق