الوتر المبتور
إياك يا عيني
والدمع ما تفضحيش
قالت كيف
وانت من الالم ما تشتكيش
حتى لو سألت قلبك تقولي مافيش
شوية شوق وبقايا حنين ما تخافيش
تقولي بكره تعدي وبعده مايهمكيش
كأني ما بقيت برأسك
وما يهمنيش
وتقولي انسي بكره تجف ما تفتكريش
وألا عبالك انا
وحدة من الدراويش
وتخاف من الذكريات كيف بعدها تعيش
يا عين كفايه دموع
وعالخد ما تصبيش
الي راح راح خلص ما تتفقديش
هو حلم
وصبح نهارك ما فيش
إياك والحكم
وانت ما تعرفيش
الليل وسهره والحنين يمكن ما تعدليش
دومك شارية الود ما تبعيش
حد لاقي بغلاك
وانت الأصل منك مفيش
خليني أسمعهم العزال
واعملي نفسك ما تسمعيش
وخليني أقول حكاية نصها خرابيش
خليني يا نفسي أفهمهم
الانسانية
واعملي نفسك ما تفهميش
وانا مش طالب بعد هالمعاناة
غير أني أعيش
انا الحزين
وانا المتألم
ولغيري ما تناديش
واوعي يا دنيا تقولي كنت ما تذكريش
والوجع بروحي ما ينتهيش
والجروح النازفة ما تحسبيش
أخذني العمر بغفلة ما تعديش
حتى الاحساس ما بقاليش
آه يا قلب تعبت
وبدل الشرايين ركبت برابيش
ارحل وين عن المرض
وانت مستكثرة علي أني أعيش
والهم عني ما تحمليش
دوختينا يا دنيا
وانت من اللف
والدوران ما تنزعجيش
انا حملني جناح الموت
وانا حي وانت ما ترحميش
وبعثرني الريح بزمنك
وخلاني خُف الريش
وضايع بغربة ما اهتديش
كتمت أنفاسي سئم
وظيم وصوت ما طلعليش
وودعت الروح
وقلت للنفس للحياة
ماترجعيش
اموت انا
وخلي غيري يعيش
مالي بخت
والحظ ضايع ما تتعبيش
والحياة كلمات
الشاعر جهاد حداد
تحياتي
في ٢٠٢٠/١/٢
ليست هناك تعليقات:
إرسال تعليق