(((( الحب نعمة ربنا ))))
نظرة عنيك
بتقول هيام
لمسة ايديك
بتقول غرام
والحب عندي
مش كلام
الحب فعل
مش كلام
الحب اكبر
تضحيه
الحب اكبر
من كده
الحب اكبر
م الكلام
وم الغرام
وم الهيام
الحب عشق
وانسجام
الحب موقف
واحترام
انك تحب
ده شئ جميل
وتشوف حبيبك
ليل نهار
اخر جمال
اجمل كمان
من كل شئ
ف الدنيا دي
وتقول عليه
بدر الزمان
ف غيابه او
ف وجوده كان
الحب اكبر
من كده
لما الحبيب
يفديك بروحه
ده مش كلام
ويضحي ليك
لاجل ان تنام
وانت ف سلام
الحب اعظم
من كده
الحب هبة ربنا
وعاطفه حلوه مننا
بتهدي روحنا ودمنا
وتلمنا وقت المحن
وتخلينا نفدي الوطن
الحب نبته ربنا
نسقيها احنا بقلبنا
نحميها بينا بدمنا
ونخاف تموت مننا
الحب نعمة ربنا
كلمات الشاعر / السيد علي القن
ليست هناك تعليقات:
إرسال تعليق