دموع الفرح
=====
واصبر روحى بالنسيان
وأقول يمكن يصافينى
واتوه فى الغربه والأحزان
يزيد اللوم يجافينى
وأفكر فيه بلوعه وشوق
وتدبل فى السهر عينى
يقابلنى بحنين مخنوق
يصارحنى يلاغينى
أدوب م الفرحه واستنى
يقول ياحياتى ضمينى
يزلزلنى ويقهرنى
يقول سامحينى إنسينى
يشعلل قلبى يتألم
ياخدنى الشوق يودينى
يموت الحب فى عيونه
وتتأجج براكينى
واغالط نفسى واستنظر
وأقول يمكن ينادينى
ويبدى فى الهوى ندمه
ويصفى لى يراضينى
يمر اليوم ساعاته سنين
وشمس حنين تدفينى
وأمنى نفسى بالبشرى
وأقول بكره يحنينى
وهيجيب الفرح فستان
وبالطلى يهنينى
======
بقلمى سامح توكل ابوالسبح
ليست هناك تعليقات:
إرسال تعليق