وصوف الرجاجيل
الحر ميزه من وصوف الرجاجيل
ما كل من زيّن شنب صار رجّال
ولا هي كثير الهرج صف المقاويل
وما هي عبا ولا هي غتره والعقال
ماهي جهور الصوت بين المجاهيل
ولاهي عزم ما يعجزه شيل مثقال
الحر يرقى عن قضايا المهازيل
ما يكترث لأقوال واشي و دجّال
الحر. فعله من يمينه محاصيل
ما هو تغنّي افعال عمه ولا خال
الحر يقبل و الجحافل مقابيل
تلقاه. يحدي بأول القوم خيّال
ما ذل بملاقا الحدب والمصاقيل
ما. رد إلا و النصر بيه يختال
الحر شوفه . للبعيد المذاميل
والراي عنده يعتلي فوق الامثال
الحر سعده لو لفوه المحاويل
يكرم. ضيوفه. لوه بشح وامحال
ويصون جاره ما يبدل تباديل
راعي امانه ما انخسف بيه مكيال
الحر عز ّ النفس فوق التجاميل
مرهون. روحه لعزّة البيت وعيال
الحر شيمه ما تعوز التحاليل
لأهله وناسه يرخص الروح والمال
عند المواقف و الأمور المجاليل
ينهض. بربعه حيد. شيال الاحمال
فندي غانم
ابو هشام. 18/1/2021
ليست هناك تعليقات:
إرسال تعليق