**حبايبي الرجاله**
لاء إستني دول شوية بنات
بس رجاله والله بشنبات
أيوه دي حقيقه مش خيال
أجدع صحبة في موج الشلال
لو كان البحر غادر دول طوق النجاه
مع بعض دايما في المُره والحلوة
عمرنا مانخاف أصل الكتف في الكتف
وخدين عهد اي حد يدخل بينا نخلي عقله يخف
نتعد علي صوابع الإيد لأننا في لمة عيد
والعيد تلات ايام وإحنا ستة ياعم سعيد
حبايبي يارجاله بالوصف تعالوا فوق الرومانه
نلف ندور موعدنا في ليلة عيد سهرانه
شوية بنات أحلي من السكر النبات
إحنا عصابة أصحاب مش كلام يا ستات
عمرنا مانخون ولا نبيع لمة الأحباب
تقولوا زعلانين تقولوا غضبانين
ارد واقول وانت مال أهلك يانن العين
بلاش الغيرة مننا أصلنا بردوا لبعضنا
وإبعدوا عنا عيون الحساد يا أحبابنا
مش بعد الغيم حالفين نقيد أفراحنا
ونقول للشمس تعالي فوق لمة دارنا
حبايبي الرجاله اجدع شوية بنات
عددنا ستة نقش أعدئنا في كل الحارات
مش قلت إحنا عصابة مع بعض بنلم إللي فات
صحيح صدق المثل اللي قال
قعدة الرجال احلي من قعدة النسوان
مهو دول ياجدع أصحابي الجدعان
.واللمه معاهم فرح شعبي ياحلوين
والمٓزه كأس محبة تحرق الغيرانين
بقلمي سهام اسامه
seham Osama
ليست هناك تعليقات:
إرسال تعليق