((أستاذ في الكلام))
أستاذ كلام حضرتك أنا بردوا بيقولوا أستاذة فيه...
ياريت بقي تكون واضح وتبطل لف ودوران فيه....
أن كنت بتلف وبتدور للأسف أنا بقي غيرك ماليش فيه...
واضحه في كلامي دايماً وبدخل في الصميم فيه...
يعني تقصر في ليلك وبلاش تطول فيه
مش عارفه أعمل فيك وفي اللي زيك إيه...
واضح كده انك مختش عظه من اللي قبليك...
طب تعالي لي بقي كده شكلي هغسلك وانشرك..
وقبل مانشرك هعصرك عصر دلوقتي واوريك
أنت اللي جبتوا لنفسك محدش جابوا ليك...
أنت اللي جيت لغاية عندي برجليك...
استلقي ياحلو وعدك وتعالي خد نصيبك.ههههه وان شاء الله هراضيك
ااااااه عارف بجد صدمتي فيك كبيرة ليه واللي مزعلني منك أيه
إنك شاعر والشاعر يعني جواه إحساس بيحس بآلام الناس
بيكتب عنهم ويعبر عن مشاعرهم اللي جواهم
وكأنه عايش معاهم.. يتألم لالمهم ويفرح لفرحهم
يعني راجل فاهم أن كسر القلوب مش بالساهل
تيجي كده معايا وتتلاعب بالألفاظ
بكلام مالوش معني ولا له أي أساس
كلام بتقوله بس عشان تلف بيه الرأس
أعذرني بقي ياجميل اه نسيت أقولك إني لساني طويل..
بس بيطول علي قليل الأدب.. ويقصر علي المحترم الأصيل
يبقي م الأخر ياريت تلف بظهرك وتوريني عرض(امممممم) أنت طبعا فاهم..ياله بقي إجري بسرعة علي طول
من قدامي لحسن خلاص بالله إيدي لو طالتك للأسف هي اللي هتقول
ويبقي ساعتها ياحلو شكلك يجنن هههههه وتبقي حاجه إيه (واو) مش معقول
أصلي مش إيدي لوحدي هي اللي هتتمد لا دي أيادي كتير ساعتها هتيجي وتجاملني فيك...
وساعتها يبقي عندي حق في بعمله فيك
يبقي خدها من قصرها ياله بسرعه اوام ياجمييييل من قدامي طييييييييير...
اه استني تعالي أقولك ينوبك ثواب وأنت كده طاير اللي يقابلك ابقي أنصحه مني ميقربش عشان مايندمش زيك ويصيبه اللي صابك
هههههه ولاأقولك سيبه يجي ياخد نصيبه.كده خلاص ياله بقي طييييييييير...
بقلمي ((منى شحاتة)) جمهورية مصر العربية
ليست هناك تعليقات:
إرسال تعليق