((قوي عزيمتك))...
ليه تحط نفسك في موقف أنت مش صاحب.. قرار
أوعي تسيب غيرك عليك أبدا.. يسيطر
خليك واثق أوي من نفسك وأوعي في يوم أبدا.. تحتار
خد قرارك واجه مصيرك عدي طريقك مافيش حاجه أسمها.. تنهار
لكن قبلها خد وقتك وفكر بعدها وأبدأ ياله.. المشوار
كل شيء له بداية دور علي البداية الصحيحة وإبتديها خطوة بخطوة حتي لو كان قدامك الطريق كله.. ظلام حوله بإيدك.. نهار
لكن أوعي أبدا تيأس اليأس ده هو أول.. الإنهيار
أصمد واقف وأبني ذاتك وأبعد عن اللي يهد عزيمتك وفاكر نفسه عالم وعنده كل.. الأسرار
ده لو عالم يديك من علمه مش يذلك ويجرحك ويقيد جواك.. نار
بكره تبقي أفضل منه ياله أفرح وعيش وأحلم وأتمني دي بكره الدنيا هتبقي جنه وتشوف حواليك دنيا.. الأزهار
شمس العلم بتنادي عليك قرب منها متخفش دي نارها لك.. أنوار
خد منها على أد ماتقدر ده العلم أغرف من نهره وأجعله جواك.. أنهار
العلم مالوش نهاية بيبتدي من المهد لللحد وده بيبقي أخر.. المشوار
بقلمي منى شحاتة جمهورية مصر العربية
ليست هناك تعليقات:
إرسال تعليق