،،،،،،هزة غربال،،،،
@@@@@@@
خايفة أهزك ياغربااااال....
أطلع في الآخر غلطان
وكل اللي إعتبرتهم السند والأمان
يقعوا منك زي الغربان
أصل في الدنيا مفيش جدعان
معظم البشر خااااين جبان
يقابلوك بكل شكر وعرفان
ومن وراك يقولوا عليك أسوء كلام
شفتوا هزة الغرباااااال.....
بينت إزاي المعادن والألوان
أصل مش كل حلو اللسان
يبقا أصيل وتديه الأمان
دا ياما في الدنيا ناس زي الثعبان
تتلوي لحد ما يلدغوك بسم اللسان
ووقتها خيبة أملك فيهم بتنزف الأبدان
أسفي علي الناس الجدعان
اللي كلام بس
وأفعالهم تصرخ منها الجدران
ياريتني ما كنت هزيتك ياغربال
دا إنت وقعت ناس مكنتش علي البال
أقوالهم قرآن....وصلاتهم في كل آوان
لكن أفعالهم......أعوذ بالله
كلها كفر .....وإثم...... وطغيان
شفتوا هزة الغرباااااال....
بينت إزاي المخلص من الجبان
عشان كده خد بالك
ومتديش لحد الأمان
لحسن يوقعوك في بئر
ويطلعوك غرقااااان !!!!!
بقلمي/
مها
بركات
ليست هناك تعليقات:
إرسال تعليق