العودة للنفس
القلب بقى شايل
من الدنيا
والناس والصحبة
ومتعبي
خليك مع نفسك
احسنلك
والنفس صريحة
وما بتخبي
النفس لا بتغش
ولا تلاوع
عارفاك بمحاسنك
وذنوبك
صاحبة وخليلة
وليك تابع
صدقني كفاية
عليك توبك
والناس مقاسات
مقاساتها كتيرة
ماليها حدود
ومقاسك مات
دا يمكن حتي
ما كان له وجود
والناس عايزاك
جراح وطبيب
تداوي آلامهم
وجراحهم
وساعات عايزاك
حبيب وقريب
وكلام الحب
تسمعهم
لكن مين فيهم
سمعك
او شال الحزن من
دمعك
الناس عايزاك بس
مصالح
وتسيبك وقت
ما تتصالح
ترجع للوحدة
هنا ونفسك
والوحدة صادقة
ما كدابة
خليك هنا احسن
مع نفسك
والله الاتنين
انت غلابة
بقلمي يحيى حسين القاهرة 13 يناير 2021
ليست هناك تعليقات:
إرسال تعليق