--=0=- لو حصانك كبى -=0=--
ا~~~~~~~~~~~~~~~~~~ا
ا
ربك للسعد مرات بيغلق الباب
لكن للامل يفتح اوسع ابوابو
ا
لاتوقف مكانك لو زمانك خاب
الزمن متل الربيع بيغير تيابو
ا
لاتوقف مكانك ولاتفتش عن الاسباب
التفكير بالّي مرق للمرض جابو
ا
اوعى ياخيي بوقت بالزهد تنصاب
دور عاباب الفرح ودوس بعتابو
ا
لو حصانك كبى او شي مرة عاب
معليش هدي شوي لايمسك اعصابو
ا
هموم البشر يابني مابيوسعا الكتاب
اسعى بطريق المجد بيحب طلّابو
ا
ربك للامل عمرو ماسكر بواب
واسي رفيقك حزن خفف مصابو
ا
اليوم عنا فرح بكرى في عذاب
عمرنا فصول السنة بيتغيرو تيابو
ا
ا~~~~~~~~~~~~~~~~~~~~ا
صباح الامل والرجا
صباح الفرح
اصدقائي
ا----------------------------------ا
الشاعر السوري المهجري - د اليان سمعان
سفير السلام في كاليفورنيا . الولايات المتحدة
ليست هناك تعليقات:
إرسال تعليق