مكسورقلبي :
مكسور قلبي ومطرز
عليه جروح
درب الهوى ماعندو علم إنو
القمر مذبوح
من يوم رجع من السهر
عم يشتكي ومن الشوق...
عم ينوح...
هوي مثلك ياقلب .
مربوط بلهفة عشق
بين السراب تلوح...
قديش قلتلك ياقلب
تمرمر هواهم
وماعاد يحس بوجودك حدا
حاجي تجي وتروح...
قديش بكيت عحالتك وردات وغص
القمر وتعب البكي وغرد العصفور
ع شرفتك مبحوح...
حاجتك وجع وتضل نز
دموع
تخمين خلصت الدرب
وماعاد فيها
ثنين ...
وبقيت وحدك...
مثل ورق الخريف مفرفط
بهالدني ومثل السبل
مسفوح...
عم دور..
بها العمر عمطارح عتب
ع حروف مرتبة مثل كلمات
غنية
بتركض لعندا ...وباب
السما مفتوح...
بلكي شي يوم بيتجمعوا الوردات ..
بعد ماذبلوا...بيزهو وبيفتحوا
وبيلونوا الدني بالحلا
بلكي يضل لون الفرح
مسموح
عم تسهري ع حكاية الشمعات
وعا وعد بين الحكي
مشلوح
ياما نطرنا الربيع ليطل بهيبتوا
وتخضر ديارنا ونلتقي
وزهر المحبة منوا العطر
بيفوح...
يادار الوفا يادارنا ...يامسيجة
بالوفا ومحوطة بضلوع
فلوا ولادك وكبروا...لاتندهي
كثرت الغصات ع جناح السفر
وين الفرح يا روح...
اثاري في أيد عم تواسي حزن
وصار الدمع ممسوح....
وخلصت الكلمات وتجمعت بهالقلب
وما عاد بدها تبوح...
بقلمي:مفيدأبوفياص.
..
ليست هناك تعليقات:
إرسال تعليق