زجلية بالعامية
سألوني وسؤالهم أش كاين؟؟؟
جوابهم في فدان المحاين
والظلم بعيني فيه نعاين
الصديق والخاين
بين الحق والباطل كل شي باين
والحرف للمعنى إساين
والسكًيطة تحت البطاين
فدان محايني واسع وعريض
مرة صحيح مرة مريض
جف الماء وبالعرق إيفيض
قتلتو نبثة ضارة جذرها غليظ
والكد فترابو عشش
غلبو النفاق والغش
واللقلاق غادر العش
وعلى الغدر ضرب الرش
فداني بالهم مغطي ومفرش
زريعتو دربالة وقش
غاب غرامو ومات الوحش
طلعت الغلة غلاف والقمحة نقش
والسبولة الدود نخرها ولخيرها نهش
ياخبز فداني كنت شعير حرش
طلع الدقيق ملس وبالدواز يتحرش
ماظنيت ترابو رطب وساسو هش
فدان محاني
والهم مجاني
ما فلحتو مازرعتو وانا الجاني
ما ورثو ماعرفتو منين جاني
شعبي مصطفى
ليست هناك تعليقات:
إرسال تعليق