ياحلو:
ياحلو ...وينك ساكت
ما تجاوبنا
بتمرق مرات كأنك غريب
...وما بتعرفنا..
منحكيلك من أجمل الكلمات ....
وأنت يادوب شايفنا
ولو شلحلك شي كلمة بين هالمرات...
بدنا منك شي لفتي جميلة
ليش عايفنا...
في قلب مخبيلك على الباب حنيات
واشتقلك كثير وبقلك بلكي عبكرا
تشرفنا...
ومبللة جوانحو بالعشق عم بترف
غنيات
مثل الوتر بدها تفرحنا
ومن يومها
عم ضوي مع الليل والنجمات..
شوية شمع
ودمعات مطرزة ع جفون ..
سهرتنا..
وعم بحمل بأيدي رجفة قلم
عم ترسم الآهات ع سطور
بتوزع بهالعتم
لهفتنا...
ولو نسيت شو صار بينا حكايات...
وقديش توشوشوا الوردات...
ع تراب حقلتنا...
مثل ريام بتنام ع الميات ...و عم أحلم
بها الحب بين هالنسمات
مثل جارتنا
وقديش صرلنا بها العمر متفقين
وقديش قلنا
بدنا نعمر بهالحب دراج
ضيعتنا....
يا عمر يا رايح مع النسمات عمهلك
في الك امانة مع عيون...
شو حلوات...
وعم تغسل بهالخد
دمعتنا...
منك لاألله روح بس ضلك تذكر
القلب يلي ضمك إلو
منبعد ما بتطول
فرقتنا...
عمقلك لاتطول كثير ما بقى بكير ....
مواسم مرت وكبرت بيادر
الشوق وعم تلهث من التعب
غيمتنا.....
وأيام عم تجمع بوراق السنين...
لتلون مرة بهالعمر
فرحتنا
بلكي بعد في حدا...بيفرح بهالأيام
جف القلب والريح عم تهب
شرقية....وطيرت الأحلام
دنيتنا....
حذني لعندك على حدود ...
التعب والشيح .....بلكي بتروح
ضيقتنا...وبتزهر مطارحنا....
شفت القمر حامل معي همسات
لتقلك ....وين مارحت بتضل
تشتاق لا ألك حارتنا....
بقلمي :مفيدأبوفياض
ليست هناك تعليقات:
إرسال تعليق