(الاستاذ )
إللى يضايق بصحيح
ساعه صبحيه
الصوت العالى
والناس لسه مصليه
هنشرب قهوتنا إزاى
فى وسط الدوشه والعصبيه
سامع كلام فارغ ميستحقش
كل الظيطه ديا
شمس الصيف اعرف انها مؤذيه
وبرد يناير الكل حاير على بطانيه
متقليش متكلمنيش على الغلا
ولا الكهربا ولا بقت بكام الملوخيه
يا خلق هو لسه احنا ساعه صبحيه
ورانا شغل وشقا ومتوكلين على الله
ساعه الفجريه
كرهتونا فى عوايدنا واديتوا صورة
للخلق وهى معديه
إنى كل الصنايعيه
صوتهم عالى وللودان مؤذيه
بس للأمانه قلوبهم بيضه ومساكين
شقيانين بصحيح وكأنه تنفيس
من ضغوط الحياة وبينسوا
ويطيروا زى اليمام ويعودوا
المغربيه
بلقمه للولاد على طرابيزة او طبليه
ويحمدوا الله على الصحه والستر
واللقمه الهنيه
هما دوول بختصار الصنايعيه/خالد الحداد
ليست هناك تعليقات:
إرسال تعليق