\\\\\\\\\\\\\\\\\\\\\\\\\ لقاء الوداع \\\\\\\\\\\\\\\\\\\\\\\\\\\\\\
رجع الحبيب بعد طول الغياب وضحكلى زمانى من تانى
وفرشت الامل سكه وقلت جانى حبيبى اللى بهواه وبيهوانى
وفتحت دراعاتى بطولها لجل احضن دنيتى وبيه اصالح زمانى
وقلت خلاص الفرح عرف طريقى وسكتى وسكة الجرح هاتنسانى
عيونه صح هيا دى عيونه اللى كانت ليالى مسهرانى
وشعره الليل مفرود على كتفه هوه نفس الشعر اللى غوانى
بس لقيت الكلام مش هوه الكلام حتى السلام مالمسش وجدانى
اتارى اللقا كان للوداع والحب ضاع وياريته مارجع ولا حتى جانى
وراح الفرح ورجع الجرح وحضنت قلبى الصغير اللى بكاه وبكانى
وراح الامل فى الهوى ونسى الهوى وقلبه خلاص بقى قلب تانى
اتارى اللقا للوداع
وحب السنين ضاع
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
انا عاشق الانا محمود الشيخ
سلام عليكم يادنيا
ليست هناك تعليقات:
إرسال تعليق