موجودة لو ماموجودة
العامية المحكية
حرة والشعر سابل ذهب وموردات خدودة
ياهو الشافة انعجب بس ماوصل لحدوده
عطر زاچي منسچب ريحان وتمايل عودة
زعلان حتى الياس الماقدح من غصنه وروده
موجودة لو ماموجودة
وعگودي ماتمر بعگودة
كل ساعة بيها أتعنيت
ماشوفك ياساعة السودة
معگود بيك السباح كل شرياني معگودة
لو هذا وصل الخلان ومن غيره مامريودة
شنهي الخبر يفلان دوم بابك مسدودة
محب أني مو بطران الشايل محملك بگعوده
وكل صيدة ترة لصايوده
السمرن بعگودك زنوده
اتعنيتلك مامليت
يلبيك كل العگد معگودة
مودة صارتلي مودة مشغول دومي علمودة
بهذلة يا هالناس مالي علم بحدودة
كل علمي عنده أحساس بس مايهم بجهودة
ولايترك نشد بالعربان ومايعلم ابد بوجوده
يعني إلى من ايده نگوده
ونحلفه احنا بجوده
وندله هذاالببت
وهاي الباب مامسدودة
رضا الحميدي....
ليست هناك تعليقات:
إرسال تعليق