"زجل مغربي"
الحياة طويلة =
الحياة طويلة
والزاد قليل
والأيام ثقيلة
بالهم لهويل
واللي بلا حيلة
دمعو إيسيل
النفوس عليلة
بكثرة الأقاويل
والناس ذليلة
بخبث التضليل
أومول النية
الكفة عليه مكفية
فزمان الرزية
والقوم المعمية
كلا بطبايعو يدوي
كلا علاش مطوي
شي لسانو يشوي
شي بالبارد يكوي
إعمر الشوارج ويخوي
أو شي ما لقا ما يلوي
الزمان إيرشي بيامو
والليل إخوف بظلامو
الباطل طلقو لجامو
والحق نكسو علامو
واللي خوا لو بزطامو
إحلي بالخير كلامو
لحماق صبح عادة
والمعقول غير زيادة
اتعدمات فالناس الإفادة
كلا إيعمر الزوادة
شي إشم ويلم
ضاربها بالطم
أو شي عامر بالسم
ما يحن ما يرحم
الناس اتباعدو
كلا شاد حدو
الخو أصبح عدو
والصديق يخلف وعدو
الفقير عايش ف نكدو
والضعيف إقاسي وحدو
الله ربنا الرحيم بعبادو
إنجينا من كل زايد ف عنادو
بقلم
محمد السوارتي الادريسي
ليست هناك تعليقات:
إرسال تعليق