الشعر وألوانه
******************
الشعر اللى انا قريته وعرفته كمان
كتبت منه ابيات ولحنته كمان
كان نفسى حدى يغنيلى اجمل الحان
يعزف بالكلمه وبالحرف بوتر وكمان
اعزف ألحانه وارسمها بريشة فنان
الوان الشعر وابياته بتحكى بزمان
الله ع الكلمه أما تقولها تحكى ببيان
قصيده تمر ورا قصيده زى الرهوان
توصف وتشعر من بدرى بكلام الوان
والكلمه من جنب الكلمه اجمل عنوان
الله على الشعر والشعراء ياما قالوا كلام
ده كلامهم أصله مافيش منه ولازيه كلام
احكيلنا وقول خلى الدنيا تسمع اشعار
الشعر كلام ماهواش عادى ولازيه كلام
ده كلام بيوصف ويدقق ويرسم احلام
حقيقى ماهياش موجوده الا فى منام
لكن بيصدق كلماته ويوصفها تمام
أصله بيعشها وبالحرف اصل ده الهام
الهام الشعر أما يعدى بيمر قوام
بيمر كمان على قلوبنا ويوصف بغرام
والشاعر فينا اذاماحبش يقولوا
وهمان
والوهم ساعتها لو عشش يخليه تعبان
الحب ده أصله فى صفاته احساس بأمان
مين قال إن الشاعر يكدب لاده انسان
يوصف ويحقق ويدقق زى الميزان
الوزن مهم مع القافيه لجل الاتقان
وياشاعر اوزن ابياتك بقصيدة جنان
وتخلى كل اللى بيقرأ بيقول ياسلام
تسلم ايدك ويا حروفك ده انت فنان
****************************
*راوية حسن*
ليست هناك تعليقات:
إرسال تعليق