الله يرضى عليك ياخيي
هدي بالك وارتاح شويّة/ي
إسمعني وإفهمني بالرويّة/ي
كنا نتقاسم اللقمة سويّة/ي
نسهر سوا و أبد مانفكر
بالوقت إذا تأخرت السهريّة/ي
إبني و إبنك كل أحبابنا
كانوا يتحركوا ب أريحية/ي
بالمحبة/ي عايدك بعيدك
و إنت كمان بتعايد عليي
عايشين إخوة بأمان الله
كنا عيلة والعيشة هنية/ي
فجأة طلعلنا عدو غدار
غزانا بحجة السلام و الحرية/ي
قتل البشر دمر الحجر
حرق الشجر بكل همجية/ي
بث سموم و غل الصدور
أفكاروا أعمت عينك وعينيي
صرنا ماننظر لبعض بحب
حكاياتنا كلها عصبية وطائفية/ي
سﻻحنا توجه إلنا بالضرب
أنا بنيشين عليك وترد عليي
من الخارج إجانا غلمان تفه
مالهم لاشرع ولادين وﻻإنسانية/ي
إجوا و معاهم سﻻح منوع
قنابل و بارود و أسلحة كيماوية/ي
مابيعرفوا شيء عن اﻷخﻻق
لادين لاعلم بالأديان السماوية/ي
بدهم قال يعلمونا الإيمان
يعطونا جهل و حرية خلبية/ي
إنتبه إلي تعال ﻻتترك الغربان
يتحكموا بولادنا فيك وفيي
إيدي بإيدك نحارب النصر إلنا
او نروي الأرض بدمانا الزكية/ي
نكون مشروع شهادة مع جيشنا
حامي اﻷرض والعرض والقضية/ي
نحرر الأرض روَّاها دم الشهيد
لا تهنئ روحه بالجنة/ب عند رب بريّة/ي
و نرجع سوا نعمر بلدنا
يرجع اﻷمن والحب ل سورية
.. غانم ع الخوري ..
٢٠١٦/١٢/٥
ليست هناك تعليقات:
إرسال تعليق