الوصيه
عماد عبدالغني
يا ابني انقطع عملي
وانت الأمل ليا
تدعيلي وتَمَلّي
توهب ثواب ليا
سدّد بقي ديوني
وديوني مش اموال
دي ذنوب وغفله وبُعد
تقصيري في الأعمال
وسدادها تلجأله
مين غِيرُه يغفرها
ارفع ايديك قولّه
يرحمني من ويلها
فاكر صلاتنا الفجر
مشيتنا للجامع
وكلامي ان العمر
بالخير يكون نافع
بتجيني اخبارك
طاعتك تطمني
حاسس بأحوالك
راضي عليك يا ابني
راضي عليك يا ابني
راضي عليك يا ابني
بقلمي
عماد عبدالغني
ليست هناك تعليقات:
إرسال تعليق