ياقمر
اه ياقمر
منك ياقمر
جمالك ما خطر
ياقمر
شعرك دهب
وجماله له العحب
وسبحان من لك وهب
الدفاير الدهب
ياقمر
حيرتي كل الناس
وشغلتي لنا الراس
وجبتي للكل الوسواس
بجمالك
ياقمر
كل الناس حبتني
وقلبي حبك انتي
وفيه قوام سكنتي
وفي عقلي عششتي
بجمالك
ياقمر
انتي نور عيوني
وغيرك ولا شغلوني
ومهما يشاغلوني
انتي انتي
قلبي اختارك انتي
ياقمر
سحرك فتان
وبيعزف ألحان
ولا أجدع فنان
بيعزف على أوتار القلب
وباسمك بيدق
ولك يرق
ويقول بحبك
ياقمر
والسما واسعه
وكلنا ولاد تسعه
ولحبك انتي بس أسعى
ياقمر
نجمك عالي
وعندي غالي
والكلام معاكي يحلالي
وعلشانك اسهر كل الليالي
ياقمر
كله من جمالك وسحرك
ياملكه وانا عبدك
وتحت طوعك وامرك
ربنا يجبر بخاطرك
تجبر بخاطرنا
ياقمر
وتحن علينا
وتسعد أيامنا وليالينا
كفايا اللي فينا
من الدنيا اللي جت علينا
برضاك تشفينا
ياقمر
العمر كله لك
لك انت وحدك
وحياتي كلها ملكك
يا عيوني انا
القمر
خلينا نعيش
ونأكل عيش
دا العمر من غيرك ميساويش
حياتي لزمتها ايه
وانت مش فيها
معاك ياغالي تكمل معانيها
وتزود نور القمر
نظره منك
تساوي حياه
واه منك
معاك النجاه
انا حبيتك
انا القمر
كله يهون
علشان خاطر العيون
اللي ربنا لهم يصون
انا بيهم مفتون
وبحبك والحب جنون
ياقمر
انتي فرحتي
انتي دنيتي
انتي قمري في ضلمتي
يااكل ايامي
اللي راحت واللي جايا
معاكي سعدي وهنايا
ياااقمر
حبيبي يالا بينا
نحط ايدينا
في ايد بعضينا
لجل نفرح بايامنا وليالينا
ولا نشمت العدا فينا
ايوا معاك ومش سايباك
ماهو انا زيك رايداك
حبيبي انا
القمر
بقلمي محمد سليمان
ليست هناك تعليقات:
إرسال تعليق