ليه ناسي في يوم إيه كان حاله
علي إيه بيزيد كدا في دلاله
ليه ينسي إن أبوه كان جارنا
وكمان كان حالنا شبه حاله
فاكر بفلوسه صبح حاجه
وكمان بالبرنيطه بقي خواجه
دا مكنش في بيتهم ولا لقمه
في البيت كان زيرهم تلاجه
مغرور علي إيه أرجوك قولي
دا زمان كان شكلك ترلالي
واللبس اللي الوالد لابسه
معمول من خيش فيه دانتيلي
إرجع يا أخينا تاني لأصلك
أهلك وجيرانك ح.تحبك
وغرورك بالمال مش منحه
دا المنحه الكل يكون جنبك
مغرور وغرورك مش نعمه
والله عليك ح.يكون نقمه
في القبر ما تلقي إلا غرورك
في.النار حتكون بدل الجنه
مغرور
(احمد علي السبكي) مصر
ليست هناك تعليقات:
إرسال تعليق