صولو..
وراح ماقاللى
اللى كان
بيفوت يغنى
راجعلى تانى
ولّا انانى
ومش هشوفه
ولّا حتى هسمع
صوته الحنون
على رتم هادى
اسر فؤادى
احتل كلّى
واللى فاضلي
غنوه حايره
ف الفكر دايره
تاخد..وتدى
تاه فيها عقلى
وقلبى مش حمل
الظنون
قلبى ياهايم
نزلت بحر
فيه الف لايم
وانت مابتعرف
تعوم
تاهت مراكبك
والهم راكبك
واه ياليل
يابو الليالى
ياموج ياعالى
شغلولى بالى
وغرقونى
فى بحرالعيون
ياقلبى يااللى
كنت تمللى
عايش فى روقه
ايه اللى جد
عليك ياخلى
خلاك تحب
تعيش فى جوقه
كان مناك
تعزف دويتو
خاب رجاك
عزفت سولو
لحن الشجون
جوهريات
ليست هناك تعليقات:
إرسال تعليق