ضاعت سنين عمري
مفضلش فيها كتير
يارب خد يدي
تعبت م.التفكير
ماشي بقول يمكن
أقدر أوفي الدين
الدين دامش مادي
دا.دين يهد الحيل
ديني أنا عارفه
أصل الديون لله
قصرت أنا ف.حقه
والعقل مني تاه
تاه مني راس مالي
مالي ماكنش فلوس
مالي دا كان عمري
والعمر بان ملموس
ماشي ولا بيدي
رافع لفوق يدي
والفكر زاد عندي
والعمر تاه مني
فاضلي فيه قد ايه
يا مين يقولي عليه
ومين يريحني
ويقولي أعمل إيه
الشيب علي جبيني
والضعف زار عيني
يا مين يعديني
عشان أشوف النور
النور صبح ضلمه
من فعل ناس ظالمه
والقلب نام .م الخوف
ومفيش في عمري حروف
آه من زمان قاسي
بعد كتير ناسي
وانا والله مش ناسي
إنه خلاص ع الباب
الموت قرب مني
قاعد ومستني
يخبط علي بابي
وابقي من الأموات
وعمري ما ح.افكر
أو مره أتعكر
وارجع كمان ندمان
أترجي م الرحمن
إنه يشيل حملي
ويمحي من ذنبي
وارجع.هناك عنده
وانا سعيد فرحان
(أحمد السبكي) مصر
ليست هناك تعليقات:
إرسال تعليق