بقلم الشاعر محمد سعدون
بلاش يا حبيبتي تفوتيني
وتسافري بعيد وتنسيني
حبك في القلب يحييني
ونار الغرام بتكويني
أزاي أبعد و أنساكي
و أنا الي. عمري وياكي
فرحة قلبي في لواكي
وعمري الجاي وسنيني
ليه الدمع في عنيكي
يا قمره والنجوم حواليكي
بحبك ونفسي ارضيكي
وأشيلك في نن عيوني
بحبك وفي بعدك بعاني
وبعيش في السهد وحداني
والفرحه تبعد و تنساني
ودمع الحزن يرويني
بقولها وأعيدها من تاني
بحبك وتملي وحشاني
تعالي وامسحي. أحزاني
نظره من عينيكي تحييني
يا حبيبتي ليه ننسى فرحتنا
ونعيش بالحزن ودمعتنا
وتهرب منا ضحكتنا
ومن جمالك تحرميني
ليه نسلم لوحدتنا
وتهرب منا سكتنا
تعالي نعيش بضحكتنا
وأرويكي من نبع حنيني
حبيبة قلبي وايامي
وفرحة قلبي وأحلامي
بنظره تمحي الأمي
ولمسه منك تداويني
مين في. الوجود. أدك
الورد مرسوم على خدك
بحلم بيوم ودك
والايكي في حضني تضميني
بقلم الشاعر محمد سعدون
الجمعه 2/10/2020
ليست هناك تعليقات:
إرسال تعليق