اكتب ياقلم ع السطور
حروف متشبكه للى يشوفها
كلام
كلام مدبوح والالم من ساطور
بيقطع فيا من غير خوف
بوح يا قلم وطوف فى محابر
الدمع واكتب خلى كل الخلق
تشوف
الحصان الاصيل المعروف
ازاى ف يوم يبقى خروف
بيبقى لما الميزان يبقى فلوس
ويعملوا من الحرامى فرس
وابن الاصول مختل ومهفوف
والي بتهز فى الجسم نار على علم
ويقدموها ويكرموها ويحضروا الضيوف
واللى بتكتب عن الانسان والانسانيه
وبتوزن فى الحروف على البحور
يقولولها فوتى علينا لما تسمح الظروف
وكسر نفس العالم ظلم وتلاقيه فى عز الحر لابس صوف
اكتب يا قلم على السطور حروف متشبكه للى يشوفها كلام
كلام مدبوح والالم من ساطور بيقطع فيا من غير خوف
(خالد الحداد)
ليست هناك تعليقات:
إرسال تعليق