بطمع بهوى الصبايا الحلوين ... تاحبهم دلعهم و اتدلع
واحدة أو اثنتين و لو كانوا ... حواليي ثﻻثة/ي ما بيمنع
صبية شبيه النور بتوعيني ... لما نور الشمس يطلع
الثانية إيديها نظاف لقمتها ... بتخلي الريق سيل يدلع
الثالثة وجه القمر بالسهرية ... للهم تزيح عني و ترفع
بطمع بجيبة مليانة و إذا ... عندي خزنة بيكون أروع
بطمع بسيارة حلوة فخمة ... وبيت إلو أكثر من مطلع
بطمع بالذهب الرنان أطنان ... وبالألماس يبرق و يلمع
بطمع بالقوة حتى ساعد ... الناس وعنهم الغم إرفع
بطمع برب السما يحميني ... العذرا البتول فيّ تتشفع
بطمع بصحبتكم سامعيني ... معكم كأس المحبة إترع
..غانم ع الخوري ..
ليست هناك تعليقات:
إرسال تعليق