حلم عربى
ر________ محمد حسنى محمد
٢٠٢٠/١٠/٢٥
أيوا بحلم
بحلم انى يوم ألاقى
أن اى كلمه عربى
ليها معنى وليها قيمه
والاهم ألاقى ليها
بجد صوت وأسمعه
لو حتى بس فى الأذان
ليها قلب يحس بينا
يحبنا ويفهم علينا
أم نغضب بلاش بجد يكون جراح
اللى راح مالعمر عادى مش مهم
وحتى بعدى عن صحابى مش مهم
لكن لأنى حلم عربى
صعبان عليا الزمان
خايف يقول انه عربى
انه أدبى
خايف أننا ف يوم نحاسبه
ع الل كان
بحلم لغتى تكون كروح
نبض عايش فى الحقيقه
وف الحقيقه يكون وضوح
يعلى معنى الكلمه فينا
واما نبعد عنه ينادينا ... بالأمان
أيوا بحلم
لانى عربى
ولأن اى قسوه فينا
كات بسببي
أحنا شوفنا المظاهر
بس ظاهر
لكن جوهر القضيه
ان فيه بينا ساتر
خلانا
نشوف خلافنا لأنه ظاهر
ام لأنه حلم عربى
فأستر ياساتر
شايف جد كأنى بحلم
أنى بكتب
لكن قلمى بشعرى كافر ...
غافر كل حاجه ليا
إلا شعرى ... والمكان
هفضل أحلم ليل نهار
والستار فى يوم هيرفع
وأنكسار الوهم بينا
صوت وحق
وقبل لاء
اذا كنت بحق عربى
أحفظ يمين الأنتصار
أكتب ان الكلمه قيمه
وبعزيمه
أحيي حبى جوه منك
غصب عنك
انت لسه جزء منى
وغصب عنى
لسه بحلم ... ليك كمان
ليست هناك تعليقات:
إرسال تعليق