آخر ما كتبته من الشعر الغزلي المحكي
.....................................
يارايحة بكير صبحية
عتل كلو زهور بريّة
عصفور عم يعزف لحن نايين
وشوقي من الآهات غنية
والورد من خدك اخد لونين
منديل فوق الراس شمسية
لون الكحل عاكس على الخدين
زهرات عم تغفى ع شامية
يارايحة وحاملة عبقين
ومجدلة شعرات خمرية
نسيت الورد واللون والعينين
شفتك ع صدري غصن جورية
والشال عم بيلف عالكتفين
آيات من صورة إلهية
وشفت رفرف عالصدر طيرين
بصوتهم لوحة غنائية
عم أوصفك لا تحسبيها دين
دمعات من غيمة شتائية
حتى اذا كتبتي كتبي سطرين
وخلي الدفاتر لونها عليي
ولو كان درجاتك بالهوى ميتين
مية رح بجيبا بأشعاري
ولما بشوفك بكمل المية
..............................
اصدقائي لكم كل الحب 🌹
احمد درويش .
ليست هناك تعليقات:
إرسال تعليق