فينا تايه جوه نفسه
من سنين
حاضن الوجع اللى حاسه
واللى حابسه
جوه نفسه
ويا شوقه والحنين
نفسه قلب يحس بيه
أو عين عليه تعطف عليه
وتبص له
او إيد تطبطب بالحب ليه
تتمد له
وتكلمه
تقوله مالك
إيه جرالك
ليه تملى شايفاك لوحدك
قاعد حزين
ياللى غايب عن الحبايب
كنت طمنهم عليك
دول صحابك دول قرايب
قوللى مين غيرهم شاريك
مهما تنسى مهما تقسى
حضنهم ليك مش ناسيك
ياللى غايب
عنى قوللى من سنين
إنت فين ؟؟؟؟
كل شىء في الدنيا
فجأه ملامحه بهتت في العيون
كل فرحه وضحكه حلوه
أصبحت شارده في سكون
كل كلمه حتى المشاعر
أصبحت كده فجأه ليه
شك وظنون
طب ليه نصدق وقلوبنا تغرق
فى بحور ما بين سحر العيون
بعدين نصدق والقلب يعشق
كداب بيعرف
ازاى أصدق وازاى يخون ؟؟
وأما برجع لنفسى أقول
صابنى أكيد
شىء من الجنون
تبقى طيب فى زمن عنيد
تبقى فيه كأنك غريب
والغريب منك قريب
والقريب منك بعيد
بتلاقيه يزود في يأسك
ولا هوه حاسك
مستنى منه حتى يسأل
لو كلمتين
ولا حتى يعرف مع انه جنبك
اى شىء في الدنيا عنك
ولا حتى قالك
انت فين ؟؟؟؟
وتلقى نفسك جوه نفسك
كل يوم مليان هموم
ولو لقيت الدنيا ليك
وخيرها كله ما بين ايديك
تتمنى يبقى ليك ولحبايبك
وبس حلمك حد يراعيك
وتحبه زى ما تحب نفسك
فجأه تلاقيه بيعذبك
حتى في مشاعرك بيكدبك
ومتلاقيش غير دمعتك
تاخدك في حضنك وتواسيك
ولا حد حاسس باللى بيك
او حتى بيدور عليك
وتعيش حياتك من تانى تايه
جوه نفسك
حاضن الوجع اللى فيك
كل واحد
فينا تايه جوه نفسه
من سنين
حاضن الوجع اللى حاسه
واللى حابسه
جوه نفسه
ويا شوقه والحنين
نفسه قلب يحس بيه
أو عين عليه تعطف عليه
وتبص له
او إيد تطبطب بالحب ليه
تتمد له
وتكلمه
تقوله مالك
إيه جرالك
ليه تملى قاعد حزين
ياللى غايب
عنى قوللى من سنين
انت فين ؟؟؟؟
عادل علي
ليست هناك تعليقات:
إرسال تعليق