وتوهت أنا فيه
وعرفت جمال
وصفه ومعانيه
قالوا عنه كلام
صعب التفسير
وقلوب ياما
دابت منه كتير
لا بيفرق بين
شحات وأمير
الحب حياه
الحب طريق
ياسلام لو يوم
بقا خدته صديق
راح تنسى معاه
كل الأحزان
وهتبقا ونيسه
ف كل مكان
هتعيش مبسوط
وهتنسى الموت
ولايوم هيفوت
ماتحسش بيه
جربت الحب
أنا و عشقته
فرحانه وسعيده
إنى قابلته
وبعد أما نسيت
حبيت وهويت
وف ثانيه
نادانى وكلمته
نصحونى قالولى
أوعى تحبى
هتدوقى الويل
من سهر الليل
ولقيتنى ف حيره
أنا وقلبى
لالا مش معقول
دا الحب جميل
يمكن فيه ناس
إتعذبوا فيه
مش كل الناس
وهعمم ليه
فيه قلب يحبك
متحبوش
فيه قلبك يحسك
متحسوش
فيه ناس تهواها
وناس تغواها
وناس غداره
ميستهلوش
الحب حنان
يحضن خوفك
الحب أمان
يملى كفوفك
الحب كيان
الحب عمره
ماكان حرمان
الحب باب
خبط عليه
كل اللى داب
معرفش قيمته
إلا إللى داق
مر و عذاب
الحب عمره
ماكان عتاب
الحب لما
يدق بابك
مد إيدك دخله
لوقلت لاء
والقلب دق
سلم لقلبك وأسأله
......
جربت الحب
سحر محيسن
ليست هناك تعليقات:
إرسال تعليق