خلي القلم يتكلم
كبيرنا وتعلمنا
وجهنا كل ما صرنا
و خلاص ما بقاش بقي لنا
غير ذكريات زمنا
خلي القلم يتكلم
عن ذكرياتي يتألم
أوجاع كتير يحكيها
من كتر جراحي فيها
هيقول لك أتعلمت
من حزنه أنا سلمت
أوجاع كثير في حياته
مكتوبه في ذكرياته
كان حملي حمل جبال
وساعتها كنا عيال
ما شفتش يوم طفولتي
باين كمان في صورتي
دنيا وحطت علي
والكل داس علي
ولا حد فكر فيا
والحمل كبير علي
كان كل حلمي أعيش
طمعان في لقمه عيش
والناس مرحمتنيش
والطيبه حتى ما فيش
ما كانش حلمي قصور
طول عمري وانا مكسور
عمري مافكرت اخون
بخلص كمان واصون
عايش حياتي لغيري
اخرتها نكرو خيري
خلص القلم وأتألم
والجرح فيا معلم
مكتوب كمان في الذكره
الجرح ليا لبكره
كبرت وأتعلمت
من القسوه انا سلمت
بقلم الشاعر/محمود حسين حنفي
ليست هناك تعليقات:
إرسال تعليق