**أصحاب مش بزنس**
بنزعل علي بعض ونبكي
ونحط الهم علي أكتافنا ونجري
نحاول نشيل ونسند بعض لما نتلاقى
سألونا كتير إيه معني الصحبة
قلنا القريب منا زي البعيد
بنمشي الطريق مع بعض ولو بعيد
كتير بنغني وندندن علي نغمة فيروز
نشرب قهوة الصباح محلية بطعم الكريز
مافيش بنا منافع ولا يفرق بينا قرش
إللي في جيبي معاهم وإللي معاهم يقش
مهي دي الصحبة ياعالم بتشد شراع الأمل
بنهلس ونرقص ويمكن كمان نبكي
بنميل علي بعض ونسند ونوفي
بنرد الغيبه ونهز حيطان الغدر مابينا
تتهد مايضرش المهم نهزم شيطان الملاما
نبعد قد مانبعد بنراضي بعض وقت اللقا
بنعذر بعض أيوه أصلنا أصحاب مش بزنس
واللمه بينا علي مركب عايمه مزاج
وفطار وعيش وملح متصان بلذه الموج
مافيش فينا خاين ولا أبو وشين وخسيس
كلنا مع بعض عيله خارج نطاق آلعيله ياناس
ونقول أصحاب ولا بزنس
إحنا أصحاب فقرية الهم معانا يروح ويتاخر
بقلمي سهام اسامه
Seham Osama
ليست هناك تعليقات:
إرسال تعليق