فينك يا ليام
هزيت حزمة بحزمة
ؤالشوك دماني
كولها تشوف ولا
ولا من جا وساني
لقلوب قساحت
خلَّاها الجيلاني
زمان واش من زمان هدا
أنا نمد يدي لفمو
ؤهو بعود عماني
لي قربت ليه أَنَّصْحو
يشوف فيا ؤ يعصاني
حتى لفلالس سمحو
فالدجاجة بلعاني
لا رحمة فالقلوب
كلها فْقَنْتو يعاني
شي ما دَّاها فْشي
كلها يقول أراسي وزماني
لبيوت خْلات دْخَلْها
الدْغُرْ مْن لْبَرَّاني
واللواح تْمَسْحات
فين السْمْق والصلصال
والرَّبْعِيَّة ؤٌلفقيه الحَسّاني
فين مجمع لحباب
يوم العيد والصواني
وايام الضحكة الزينة
والقلب الهاني
الله عليك أيام زينة
بكيت عليك بالدمع
حَار كِجْمَر كْواني
حميد النكادي 26\09\2019
ليست هناك تعليقات:
إرسال تعليق