أذان الفجر
اتوضيت وبسبح فى طريقي
وبدعي ربنا يحمي ولدي عويس
شاب كل مروه ومرؤه
والأمل ساكن عينيه
خلص جامعته ما هو مهندس
وتجند عسكري فى الجيش
حارس الحدود ما تغفل عينيه
واقف طول الليل على رجليه
ختمت صلاتي وفى كل سجده
أدعي بسلامته وأملي عينيه به
يرجع فى أخر أجازته واخطب
له الى قلبه رايدها وأفرح به
وفي طريقي راجع البيت
جرى عليه صاحبه وبعلو صوته
ياخال فين ولدك عويس
اتصل به وأطمن عليه
ربنا يستر يرجع بالسلامه ليك
بكيت ما قدرت اقوله خايف عليه
شاف دموعي وهزني بقوته
قول لي حصل ايه ؟ قولي فيه ايه ؟
قرأت ياخال أسمه بين الضحايا
الى غدرو به ومعاه صحابه
فدوا الوطن بروحهم ولقوا الله
شهداء ياحسره أمه عليه
ياحسره قلبي عليه
وقع مغشي عليه وينادي
بعلو صوته أسمه ويترحم عليه
يارب أرحمه واقبله شهيد عندك
والملايكه تزفه للجنه لغاية
لما الاقيه .. ..........
الشاعر
صاوي محمد
الله يرحمهم ويسكنهم الفردوس الاعلى ....
ليست هناك تعليقات:
إرسال تعليق