**والله يا دنيا**
أنا شفت منك كتير
وجع بالراس مكار
ودموع علي طول بالتكرار
دايسه عليا وماليكي الغرور
والله يا دنيا إنتي ماتسوي
ولا آهة تحرق في قلبي
ولا دمعه تعدي على جفني
ودعتك ودعيت عليكى لربي
يا دنيا مغرورة ماتسيبي كُمي
أو نسيني في يوم زعلي
وأمطري عليا ليله بفرحي
بلاش تخنقي جوايا فرحة عمري
خاليني أحبك وأتمني أعيشك
وغيري شوية مرار عِيشك
دانتي في الآخر طولك زي عرضك
وعند الله تجتمع الخصوم بالتلاقي
وإعرفي إنك عندي ولا تسوي
ولاخطوة بكعب عالي من رجلي
ولا وقت يمر يسرق من عمري
ولا ذكري تعدي تحرق فكري
والله يا دنيا ولا تسوي
مش هطلب منك حنان
ولا حضن أمان بهالزمان
ومش هقولك من قساوتك كفران
لكني فوضت أمري لله عليكي
قادر يبدل ظلمك يقلبه فوقيكي
دانتي مخلوقة في لحظة بأمره
وإعرفي إنه يمهل ولا يهمل خلقة
والله يا دنيا إنتي ماتسوي
بقلمي سهام اسامه
Seham Osama
ليست هناك تعليقات:
إرسال تعليق